Ataungo Udalaren INFORMAZIO ZUZENA Whatsappez bidez jasotzeko aukera duzue. Mezuak jaso nahi badituzue:
1. GORDE zuen telefono mugikorreko KONTAKTUETAN 616 758 758 telefono-zenbakia.
2. BIDALI Whatsapp mezua: “INFORMAZIOA JASO NAHI DUT” 616 758 758 Telefonora.
BANDOA: UDAL BATZORDEAK-LUR AZPIKO APARKALEKUA-ZABORRA-JOXEMARTIN APALATEGI BEGIRISTAIN BEKA- EGUR LOTEA
UDAL BATZORDEAK ERATZEA
Legealdi berriari ekin diogun honetan, batzordeak osatu behar ditugu arloz arlo. Ohi bezala, herritar guztiok gonbidatuta zaudete parte hartzera.
Arloak honela banatzea erabaki dugu, eta litekeena da, premien arabera, lantalde bat baino gehiago eratu behar izatea batzorde berean:
- Ogasuna: Martin Aramendi.
- Hirigintza eta Turismoa: Aitor Sukia.
- Kultura, Euskara eta Berdintasuna: Irati Arratibel.
- Gizarte ongizatea, parte hartzea eta kirola: Maider Urdangarin.
- Ingurumena, nekazaritza eta abeltzaintza: Naiara Munduate.
Batzorderen batean parte hartu nahi baduzu, deitu Udal bulegoetara eta eman izena ( 943180011; E-mail hau spam roboten kontra babestuta dago. JavaScript aktibatuta izatea behar duzu hau ikusteko. ). Izen-abizenez gain, adierazi zein batzordetan parte hartu nahi duzun, eta eman zure telefonoa, posta elektronikoa. IRAILAREN 15a baino lehen eman behar da. Dena dela, batzorde irekiak dira eta noiznahi dago aukera izena eman eta parte hartzen hasteko.
Animatu eta parte hartu, denon artean errazago eta hobeto erantzungo diegu-eta Ataunek dituen premiei.
LUR AZPIKO APARKALEKUKO ZOZKETA
San Martingo lur azpiko aparkalekuan urtero egiten da zozketa urte osorako aparkatzeko lekua hartu nahi duten herritarren artean. Uztailaren 26a baino lehen eman behar duzue izena, Udaletxean. Zozketa uztailaren 29an (astelehena) egingo da, 19:00etan, udaletxeko pleno aretoan.
ZABORRAREKIN KEZKATUTA
Herritar askok jo duzue udaletxera azken asteotan, zaborrarekin gertatzen ari denaz kezkatuta. Ez da harritzekoa, lotsagarria baita herriko zenbait gune eta Agauntza erreka nola egoten diren ikustea. Gure programa aurkezteko eta osatzeko egin genituen bileretan jaso genuen bereziki landu beharreko gaia dela, eta lantalde bat sortu beharra dagoela, arazoa sakon aztertzeko, neurri eragingarriak hartzeko eta oraindik sentsibilizatu ez diren haiek sentsibilizatzen saiatzeko. Badakigu gehienok baduzuela kontzientzia eta zintzo betetzen dituzuela arauak, eta hori erakusten dute Sasieta Mankokunitatearen datuek ere. Onartezina da, ordea, gune jakin batzuetan pertsona jakin batzuk izaten ari diren jokabidea. Hori dela eta, neurri batzuk lehenbailehen hartzeko asmoa dugu, ezin gara lantaldea osatu zain eta lanean hasi zain egon. Ezinbestekoa ikusten dugu zaintza-lanak zorroztea. Herritar guztion ardura da herria txukun izatea, eta gutako bakoitzaren erantzukizuna da ahalik eta zaborrik gutxien sortzea, eta sortzen duguna behar bezala sailkatu eta dagokion lekura botatzea.
Gogoratu, traste zaharrak hileko lehenengo eta hirugarren asteazkenetan atera behar izaten direla eta Sasietara deitu behar dela bezperan, horren berri emateko.
Zaindu dezagun ingurua, errespeta ditzagun ingurukoak, eta ez dezagun engaina geure burua!
JOXEMARTIN APALATEGI BEGIRISTAIN BEKA
Ataungo Udalak antolatzen duen Joxemartin Apalategi Begiristain beka irabazi dute Miren Aranguren eta Jone Arrazola ikerlariek. “Bizitzak erdigunean. Ataungo zaintzaileen genealogia feminista (1950-2020)” izeneko proiektuak 10.000 euroko dirulaguntza izan du, eta urte eta erdi izango dute lana osatzeko.
EGUR LOTEA ESKATZEKO AUKERA
Azken egunotan hainbat herritar etorri zaigu galdezka udaletxera, egur lotea eskatzeko aukerarik izango ote den. Gipuzkoako Foru Aldundiak du herri onurako mendiak kudeatzeko ardura, eta haiekin hitz egin ondoren, deialdi zabala egitea erabaki dugu. Hauek dira baldintzak lotea eskatu ahal izateko:
- Ataunen erroldatuta egon.
- Kamioia ezingo da herritik kanpora atera.
- Etxebizitza bakoitzean lote bakarra eskatu ahal izango da.
- 580 euro ordaindu beharko da.
- Eskaera egiteko azken eguna: uztailak 26
Lotea bakoitza 15 tonakoa izango da gutxi gorabehera, eta prezioan sartuta daude bai etxera eramatea bai mendi-bideak zaintzeko ekarpena.
ATAUNGO ORGANO BARROKOAREN NAZIOARTEKO XIII. JAIALDIA
Uztailaren 20an ekingo diogu Ataungo Organo Barrokoaren Nazioarteko XIII. jaialdiari.
Uztailaren 20an, larunbata, 18:00etan San Martingo elizan parte hartuko dutenak: Ana Belén García, Mixel Ducau, Thierry Biscary eta EATE abesbatza izango dira.
Abuztuaren 4an, igandean, 18:00etan Andrés Cearen eskutik eskainitako kontzertua gozatzeko aukera izango dugu, kontzertu hau Donostiako Musika Hamabostaldi zikloaren barruan egonik.
Informazio gehiago: https://bit.ly/30pSEt9
IGERILEKUAK-UDALETXE ETA LIBURUTEGIKO UDAKO ORDUTEGIAK
ETXARRI-ARANATZ ETA LAZKAOKO IGERILEKUAK ERABILTZEKO DIRU-LAGUNTZAK
Ataungo Udalak erabaki du Ataunen erroldatuta dauden herritarrei dirulaguntza ematea mugakideak ditugun Lazkaoko eta Etxarri-Aranazko kanpoko igerilekuak erabiltzeko.
Udako denboraldiari dagozkion sarrerak eta bonuak soilik hartuko dira kontuan, eta %20ko laguntza izango dute.
Lazkaon urte osoko bonua duten herritarrei udako denboraldiko proportzioa ordainduko zaie.
Laguntza horiek jasotzeko,m sarreren agiriak aurkeztu beharko dira Udal bulegoan, irailaren 23tik irailaren 28ra, ordutegi honetan: 09:00etatik 14:00etara.
EZ DIRA ORDAINDUKO epe horretatik kanpo aurkezten diren sarrerak.
Dirulaguntza eskatzen dutenek egiaztatu egin beharko dute, eskaera egin aurretik, Ataunen bizi direla eta gutxienez urtebete daramatela erroldatuta.
Ataungo Udalarekin zorrak dituzten eskatzaileek ezingo dute dirulaguntzarik jaso.
UDALETXEKO ETA LIBURUTEGIKO UDAKO ORDUTEGIA
Udal bulegoak ohiko ordutegia izango du udan ere, baina astearte arratsaldeetan ez du zerbitzurik emango irailera arte. Liburutegia goizez irekiko da, 10:00etatik 12:00etara, ekainaren 24tik uztailaren 30era. Abuztuan itxita egongo da.
UDAKO KIROL ESKAINTZA 2019-ERREKA GARBIKETARAKO GONBIDAPENA
KIROL ESKAINTZA – UDA 2019
EKAINA
○ BIZIKLETA BIDE GORRITIK: Ekainaren 24etik 28ra. Goizez 9:30-12:30. Gutxienez 8 laguneko taldea.10-14 urte bitartekoak.Bide gorri eta berdeetan.
UZTAILA
○ IRRISTAKETA: Uztailaren 1etik 5era. 8-12 laguneko taldeak. Goizez 09:00-10:30 edo arratsaldez 15:00etatik 16:30. 4-12 urte bitartekoei zuzenduta. Auzoeta Kiroldegian.
○ TENISA: Uztailaren 1etik 12ra. Goizez: 09:00-10:00 / 10:00-11:00 / 11:00-12:00. 8-12 pertsona taldeko. 8-14 urte bitartekoak. Eskola atarian.
○ AEROBIKA: Uztailaren 1etik 12ra. Goizez (ordutegia zehazteko). Gutxienez 8 laguneko taldea. 10 urtetik 16 urte bitartekoei zuzenduta. San Martingo Ikastaro gelan.
○ PIRAGUISMOA: Uztailaren 8tik 12ra. Arratsaldez (ordutegia zehazteko). 10-15 pertsona taldeko. 8-14 urte bitartekoentzat. Zubi Berdeko presan.
○ ESKALADA: Uztailaren 17tik 21era. Goizez 9:00-10:00 edo 10:00-11:00. 8-12 pertsona taldeko. 6-12 urte bitartekoentzat. San Martingo Boulder gelan eta San gregorioko rokodromoan.
KUOTA: 30€ ikastaroko
Kontu korronte zenbakia: 2095 5026 87 1060153888
KUOTA BEREZIAK: Kuota haur bakoitzeko 30€ bada ere, ikastaro edo kirol jarduera berdinean familia bereko bi haur direnean, kuota biena 50€ izango da, familia bereko hiru haur edo gehiago direnean, kuota guztiena 75€ izango da. Eskaera orrian zehaztu familia kideen kopurua eta izen abizenak. Izena ematearekin batera aurkeztu beharko da ordainketa agiria.
Izen emateko epea: Ekainak 10, astelehena, izango da.
Ez da epez kanpoko izen ematerik onartuko eta behin ikastaroa hasi eta gero ez da dirurik itzuliko, haur kopuruaren arabera antolatuko baitira ikastaroak.
Izen ematea: Ataungo Udalean izen emate orria eramanez.
Informazio gehiago nahi izanez gero, 678813208 telefonoan.
ERREKA GARBIKETARAKO GONBIDAPENA OTSOTARRAK TALDEAREN ESKUTIK
Honen bitartez, Otsotarrak elkarteko kideok ekain hasierako antolatu dugun erreka garbiketara gonbidatu nahi zaituztegu.
Helburuak:
-Agauntza ibaiaren garrantzi ekologikoa: dugun altxorra baloratu.
-Errekara botatzen dugun zabor kantitatez eta honek sortzen duen kalteaz jabetu.
-Auzolanean berau garbitzeko ekarpenean ahalegindu
Erreka garbiketara edonor dago gonbidatua, heldu, nerabe bai eta haurrak ere. Denon artean lan asko egin dezakegu!
NON EGINGO DA: Ekintza Astigarraga eta Bidebietako zubien artean burutuko dugu talde desberdinetan banaturik. Juntatzen den jendearen arabera garbitze eremua txikitu edo handituko da.
Erreka garbiketa ondoren mokadutxo goxoa eskainiko da dastatzeko.
DATA: Ekainak 9, Igandea.
JUNTATZE LEKUA: San Martingo plaza.
ORDUA: 9:00 ordutan
IRAUPENA: 3 ordu inguru. Ondoren mokadua nahi duenarentzat.
BAKOITZAK EKARRI BEHARREKOA: Errekarako oinetako egokia (katiuska, zapatila zaharkituak), eskularruak eta ahal bada guraize sendoak.
OHARRA: Eguraldi txarra balego ekintza beste data batera atzeratzea baloratuko da.
Animatu denok parte hartzera!!
OTSOTARRAK ELKARTEA
2018-2019 ATAUNGO GAZTELEKUKO KURTSO AMAIERA-AITZIBER ETXEBERRIA IDAZLEAREKIN SOLASALDIA
2018-19 ATAUNGO GAZTELEKUKO KURTSO AMAIERA
Aurtengo ikasturtean ere martxan izan dugu Ataunen PSZ zerbitzua, Gipuzkoako Foru Aldundiko Gaztematika programarekin elkarlanean. Nerabeen Parte-Hartzea Sustatzea du helburu, 12-16 urteko gazteei bideratua.
Kurtsoan zehar hainbat ekintza burutu ditugu: Gaztelekua moldatu dugu, proiekzioak egiteko horma bat margotu, Talojana egin dugu elkarrekin sukaldeko saltsan, Beotibar pilotalekura joan gara, eskulanetan zementua erabiliz lorontziak egin ditugu, bideokamerarekin Otso TB osatzeko saiakeran aritu gara eta margotutako horma pelikulak proiektatzeko eta arbel bezala erabiltzeko aprobetxatu dugu, arduratzen gaituzten gaien inguruan eztabaidatu dugun gisara, Martxoak 8ko berdintasunean oinarritutako aldarrikapen besteak beste.
Ostiral eta larunbatetan batu gara Oargi elkartearen alboan aurkitzen den Gaztelekuan, arratsaldeko 17.00etatik 20.00etara.
2018-19ko eskaintza borobiltzeko maiatz amaierara arte ostiral eta larunbateko zerbitzua mantenduko da eta ekain eta uztailerako ekintza puntualak antolatzen ari gara:
-MAIATZAK 18: Olaberriako kartingera IRTEERA
-MAIATZAK 24: Gaztelekuko AFARIA
-EKAINAK 28ko Aniztasun sexu-afektiboaren egunaren inguruko egitarau bateratua Ataungo feminista taldearekin.
-Ekain-uztailan Arroila jaitsiera IRTEERA Aralarren
-UZTAILAK 19: ‘KÄFFKA’ ANTZEZLANA, Identitatearen eta askatasunaren auto-definizioa eta sexu-aniztasuna landuz, ikusle guztientzat egokitua, nerabeei bereziki zuzendua.
Gonbidatuak zaudete bereziki 12-16 adin tarteko herritarrak ekintzetan parte-hartzera! Izena emateko, animatu Gaztelekura OSTIRALA edo LARUNBATA 17:00etatik 20:00etara.
(Antzezlanaren deialdia herritar guztiei zabaltzen zaizue).
Gaztelerkura agertzeko aukerarik ez baduzu, kontaktatu e-posta bidez: E-mail hau spam roboten kontra babestuta dago. JavaScript aktibatuta izatea behar duzu hau ikusteko.
AITZIBER ETXEBERRIA IDAZLEAREKIN SOLASALDIA
Maiatzaren 28an, asteartea, 19:00etan udaletxeko Pleno Aretoan Aitziber Etxeberria idazlearekin “Nomada” liburuaz solasaldia izango dugu. Hau, Udal Liburutegiak, Otso irakurleak eta Ataungo Irakurle taldeak antolatutako ekintza izango da.
BASERRIARI BEGIRA SAN ISIDRO EGUNA 2019
Maiatzak 15, asteazkena
11:00etan azoka irekiera.
- Bertan herriko gazta dastatze eta barazki, ziza, landare… erakusketa izango da. Nahi duen orori postua jartzeko eskatzen zaio.
14:00etan bazkaria Pelotazale elkartean.
(Menua: Haragi zopa, pikatxa, arkumea, postrea eta kafea lagungarriekin. Bazkarirako izena eman behar da Udaletxean maiatzak 10 eguerdia baino lehen. 943 180011. Salneurria 25€)
Santi eta Katxo trikitilariak ere bertan izango dira.
HERRITARREN ERAKUSKETA
Herritarrak animatu nahi ditugu beraien urteko produktuak erakustera.
- Produktuak norberarenak eta herriko lurretan haziak izatea nahiko genuke.
-Barazki postua jartzen dutenek izango dute diru-laguntza eta bazkarirako txartela. Gazta, ziza eta gainontzeko postua jartzen dutenei ere bazkari-txartela emango zaie.
-Gazta aurkeztuko dutenek Miel Mari mendi zinegotziarekin jarri beharko dira harremanetan 669623477 telefonoan.
-Postua jarri nahi duenak izena eman beharko du udaletxean maiatzaren 10 eguerdia baino lehen.
BASERRIA ATAUNEN LEHEN ETA ORAIN ERAKUSKETA
Maiatzaren 15ean, Joan Arin Dorronsororen lanetan oinarritutako argazki erakusketa izango da San Gregorioko Zelai frontoian. Erakusketa hau Haitzarri, Murkondo eta Atauniker kultur elkarteek Arin familiarekin batera antolatutakoa da.
ABERRI EGUNA 2019-HAURRESKOLAKO MATRIKULAZIOA
ABERRI EGUNA 2019
2019. urtean ez da Ataunen Aberri Egunaren ekitaldirik ospatuko, ataundar herritarrei Euskal herri mailan egingo diren ekitaldi desberdinetan parte hartzeko gonbitea zabaldu nahian.
Hala ere, nahiz eta ekitaldia ez antolatu, Aberri Eguna ospatzeko deiarekin bat eginez, ataundarron etxeetan ikurrina jartzeko gonbitea egin zaizue.
HAURRESKOLAKO MATRIKULAZIOA
Familia agurgarria:
Datorren ikasturteari begira, zuen seme-alabak Ataungo Haurreskolan matrikulatzera animatu nahi zaituztegu. Bertan, 0-2 urte bitarteko haurrentzat kalitatezko hezkuntza eskaintzen da.
Matrikulazio epea laster zabalduko da: maiatzaren 2tik maiatzaren 10era. Informazio gehiago nahi izanez gero haurreskolatik pasa, telefonoz deitu 943 180376 zenbakira, edo e-mail bitartez galdetu E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidean. Haurreskolako instalazioak ezagutu nahi badituzue lasai hurbildu antolatu dituzten ate irekietara. Hauexek izango dira ate irekien egunak eta ordutegia:
-Maiatzaren 2an, 13:30etatik 14:30etara.
16:00tatik 17:00etara.
-Maiatzaren 7an, 13:30etatik 14:30etara.
16:00tatik 17:00etara.
UDALEKUETAKO BEGIRALEEN LAN-DEIALDIA 2019
2019 UDAKO HAUR ZAINTZA ZERBITZURAKO LAN DEIALDIA
Ataungo Udalak Udaran Haur Zaintza Zerbitzua burutzeko HEZITZAILEA kontratatzeko deialdia zabaltzen du. Ekainaren 24tik-Uztailaren 26ra arte.
Interesa duen orok izena eman dezake Ataungo Udaletxeko bulego orokorrean. Izena ematearekin batera Curriculuma aurkeztu behar da eta bertan adierazitako,
+ Tituluak
+ Diploma
+ Bestelako egiaztagiriak: Sexu delituen aurrekaririk ez duela jasotzen duen ziurtagiria. (Urtarrilaren 15eko1/1996 Lege Organikoak, Adingabearen Babes Juridikoari buruzkoak,13.5 artikuluan eskatutako ziurtagiria).
Bereziki balioetsiko da:
Haur Hezkuntza titulua izatea.
Euskaraz hitz egitea; Lan esperientzia: Haur zaintzan eta Haur Hezkuntzan lan egin izana.
2019 HAUR UDALEKU IREKIETAKO BEGIRALEEN LAN DEIALDIA
Ataungo Udalak haur udalekuetarako BEGIRALEAK kontratatzeko deialdia zabaltzen du. Ekainaren 24tik-Uztailaren 26ra arte.
Interesa duen orok izena eman dezake Ataungo Udaletxeko bulego orokorrean. Izena ematearekin batera Curriculuma aurkeztu behar da eta bertan adierazitako,
+ Begirale Titulua
+ Diploma
+ Bestelako egiaztagiriak: Sexu delituen aurrekaririk ez duela jasotzen duen ziurtagiria . (Urtarrilaren 15eko1/1996 Lege Organikoak, Adingabearen Babes Juridikoari buruzkoak,13.5 artikuluan eskatutako ziurtagiria).
Bereziki balioetsiko da:
Euskaraz hitz egitea; Lan esperientzia:Udalekuetan lan egin izana.
Hauetarako izena emateko eta dagozkion agiriak aurkezteko,
Udaletxeko Bulego orokorrean aurkeztu beharko dira,
Astelehenetik ostiralera 9:00etatik-14:00ra, Asteartetan 17:00etatik 19:00etara
943180011
EPEA: APIRILAk 29tik – MAIATZAk 10a arte.
Deialdian parte hartzeko interesa izanez gero eta edozein zalantza argitzeko, Teknikariarekin harremanetan jarri.
E-mail hau spam roboten kontra babestuta dago. JavaScript aktibatuta izatea behar duzu hau ikusteko.
HAUR UDALEKUETAN BEGIRALE PRAKTIKAK BURUTZEKO AUKERA
Herrian antolatzen diren HAURREN UDALEKUETAN, begirale titulua atereatzen ari zareten herritarrei, bolondres modura BEGIRALE PRAKTIKAK egiteko aukera zabaltzera gatoz.
Haurrekin jardutea gustuko duzuen edota geroan zuen burua heziketa inguruan ikusten duzuenontzat interesgarria izango delakoan gaude. Esperientzi berri bat bizitzearekin bat, heziketaren mundua barnetik ezagutzeko aukera izango duzue.
Udalekuak, 3-12 urte bitarteko haurrekin eramaten dira aurrera eta Ekainaren 24tik Uztailaren 26ra arte izango dira, goizeko ordutegian.
EPEA: APIRILAk 29tik – MAIATZAk 10a arte.
Eskaera orria udaletxean egongo da eskuragarri. Adin txikikoa bazara, familiaren baimena betetzea derrigorrezkoa izango da.
Udaldiaren amaieran, udaletxeak, udalekuetan parte hartu duen gazteari bolondres lanean egin dituen orduen ziurtagiri bat luzatuko dio edo eta Praktikak burututako ziurtagiria ofiziala ere bai.
Besterik gabe, parte hartzera animatuz agurtzen gara.
Ataungo udaldiko haur, nerabe eta gazte ekintzen koordinazio taldea.
Hauetarako izena emateko eta dagozkion agiriak aurkezteko,
Udaletxeko Bulego orokorrean aurkeztu beharko dira,
Astelehenetik ostiralera 9:00etatik-14:00ra, Asteartetan 17:00etatik 19:00etara
943180011
Deialdian parte hartzeko interesa izanez gero eta edozein zalantza argitzeko, Teknikariarekin harremanetan jarri.
E-mail hau spam roboten kontra babestuta dago. JavaScript aktibatuta izatea behar duzu hau ikusteko.
HERRI LANGILE BATEN KONTRATAZIOA
1.- Deialdia
Lan metaketa dela eta, Ataungo Udalak herri-langile bat kontratatuko da, lanaldi osoan eta gehienez zazpi hilabetetako epean.
2.- Bete beharreko funtzioak
Egin beharreko lanak, besteak beste, honakoak izango dira:
- Bide publikoaren garbitasunari dagozkion lanak egitea, dauden makina edo orga erabiliz horretarako, ezarririko irizpideen arabera.
- Pintatze, ormak garbitze eta lorategi lanak egin.
- Hesiak, taulatua, seinaleak, eta abar jarri, muntatu eta desmuntatu.
- Lanak burutzeko behar diren gaiak eta materialak eskatu Arduradunari.
- Garraiatu beharreko materialak kargatu eta deskargatu.
- Noizean behin lana betetzeko eta zerbitzuaren beharrek eragindako ordutegi malgutasunari egokitzea.
- Segurtasun eta Higieneko arauak betetzea.
- Lorategi, mendi, nekazal bide, parke eta abarren mantenimenduari dagozkien lanak egin (belarra moztu eta jaso, zuhaitzak eta berroak kimatu, ureztatu, etab) lan plangintza ezarritako irizpideen arabera.
- Lorategi eta landaretza berriak egiteko beharrezko diren lanak burutu (lursailak prestatu, loreak eta zuhaixkak landatu, erein, etab.).
- Simaurketan zein intsektizida materialen erabilpenean lagundu.
- Oro har lanpostuaren arabera agintzen zaizkion zeregin guztiak betetzea, hau da, lorazaintza, obrak edo garbitasuneko peoi lanak.
3.- Hautagaiek bete beharreko baldintzak
Adina: 18tik 65 urtera arte
Lanbide kalifikazioa: obra langilea.
Esperientzia: Mantentze lanak.
Makinaria erabiltzea: Esku-motosega.
B gida baimena edo parekoa izatea.
Eskolaratze agiria edo titulu baliokideren bat izatea.
Euskara jakitea.
4.- Probak
Probak ondorengoak izango dira:
a)Ariketa teorikoa: epaimahaiak erabakitako eta lanpostuarekin zerikusia duen eta izaera teoriko-praktikoa duten zenbait gai ebatzi beharko dira.
b) Ariketa praktikoa: proba bat edo hainbat egin beharko dira, eta deialdian zehaztutako funtzioak betetzeko gaitasuna izatea frogatu beharko da.
Lanpostu honetan interesaturik dauden pertsona guztiek, apirilaren 5etik 12ra (biak barne), Lanbide Enplegu Zerbitzuko bulegoetan eman beharko dute izena. Langilearen betebeharrei eta lan baldintzei buruz (lansaioa, ordutegia,soldata...), Lanbiden informatuko zaituztete.
Langilearen kontratazioa 2019ko apirilaren 23an hasiko da.
GIPUZKOAKO ORGANOAK PLAZARA 2019
Igande honetan, martxoak 31, 12:00etan Musikenek antolatutako “Gipuzkoako organoak plazara” zikloaren barruan San Martingo Elizan kontzertua izango dugu Cristina García Banegasen eskutik.
-
Agauntza kirol elkartea
-
Aiako jai komixioa
-
Aizkoate elkartea
-
Artadi elkartea
-
Ataun kirol elkartea
-
Ataungo Udala
-
Atauniker kultur elkartea
-
Atseden toki elkartea
-
Auzoeta kiroldegia
-
Barandiaran Fundazioa
-
Barandiaran museoa
-
Biboletak Ataungo emakume taldea
-
Erbia elkartea
-
Euskara taldea
-
Gaztelekua
-
Guraso elkartea
-
Haitzarri elkartea
-
Herri Antzokia
-
Hiru txilipurditan
-
Irakurle taldea
-
J.M.B.Herri ikastetxea
-
Murkondo elkartea
-
Jentilbaratza elkartea
-
Karitas
-
Oargi elkartea
-
Odol emaile elkartea
-
Otsoa dantza taldea
-
Otsobatza Ataungo Kontsumo taldea
-
Pelotazale elkartea
-
Presoen lagunak
-
San Gregorioko jai komixioa
-
San Martingo jai komixioa
-
Torto gazte asanblada
-
Udal liburutegia
-
gipuzkoamendizmendi.net
-
kanpotik
-
Ataungo hiru auzoetako korrikaldiaren antolatzaileak
-
GURE ESKU DAGO
-
Otsotarrak
-
KORRIKA batzordea
-
Memoria historikoa berreskuratzeko Ataungo Herritar taldea
-
Liburu eta disko azoka
-
ATAUN IRRATIA
-
Mus batzordea
-
EATE ABESBATZA
